جنوبی کوریا اور امریکی صدور کے درمیان ٹیلی فون پر رابطہ

سیئول۔۔۔جنوبی کوریا کے صدر مون جے اِن نے علاقائی صورتحال پر امریکی صدر ڈونلڈ ٹرمپ کے ساتھ ٹیلی فون پر بات چیت کی ہے۔ جنوبی کوریائی صدر کی رہائشگاہ بلو ہاؤس سے بتایا گیا ہے کہ دونوں صدور کے درمیان یہ ٹیلی فونک رابطہ یکم مارچ کو ہوا۔ ٹیلی فون پر ہونے والی بات چیت کی تفصیل ظاہر نہیں کی گئی۔ دونوں رہنماؤں نے شمالی کوریا اور امریکہ کے درمیان ممکنہ مذاکراتی عمل شروع کرنے پر بات چیت کی ہے۔