سویڈش فٹبالرابراہیمووچ کا ریٹائرمنٹ واپس لینے کا عندیہ

اسٹاکہوم: مانچسٹر یونائیٹڈ اور سویڈ ن کے عالمی شہرت یافتہ فٹبالر زلاٹان ابراہیمووچ نے ورلڈ کپ ٹورنامنٹ کیلئے انٹرنیشنل فٹ بال میں واپسی کا عندیہ دے دیا۔36 سالہ اسٹرائیکر نے فٹنس مسائل سے دلبرداشتہ ہو کر 2016 ءمیں یورو فٹ بال کپ کے بعد انٹرنیشنل کیریئر کو خیرباد کہاتھا ۔انہوں نے کہا کہ میں اپنی سو یڈش ٹیم کو بہت مس کر رہا ہوں اورمجھے لگتا ہے کہ میں اس کیلئے مزید کھیل سکتا ہوں اس لیے ہو سکتا ہے کہ ورلڈکپ کیلئے انٹرنیشنل فٹ بال میں واپس آجاوں۔ابراہیمووچ نے کہا کہ اگر مداحوں، سویڈن فٹ بال ایسوسی ایشن کے حکام اور ساتھی کھلاڑیوں نے حوصلہ افزائی کی تو میں یقینی طور پر دوبارہ ملک کی نمائندگی کروں گا۔ زلاٹان ابراہیمووچ ملک کی طرف سے 116 میچز میں ریکارڈ 62 گولز کرنے کا اعزاز حاصل ہے۔ورلڈ کپ 14 جون سے روس میں شروع ہو گا ۔