شمالی کوریا نے ٹرمپ کو ملاقات کی دعوت دیدی

واشنگٹن ۔۔۔شمالی کوریا کے صدر نے امریکی صدر ڈونلڈ ٹرمپ کو ملاقات کا دعوت نامہ بھیجا جس پر امریکی صدر نے کہا کہ وہ ملاقات کریں گے۔ یہ اعلان ایک جنوبی کوریا کے ایک اعلیٰ عہدیدار نے واشنگٹن میں کیا۔جنوبی کوریا کے سلامتی کے مشیر چنگ ایوینگ نے وائٹ ہاؤس کے باہر کہا کہ انہوں نے صدر ٹرمپ کو بتایا کہ شمالی کوریا کے رہنما کے ساتھ ہماری ملاقات ہوئی اور انھوں نے جوہری ہتھیاروں کے خاتمہ کا وعدہ کیا ہے۔انہوں نے وعدہ کیا کہ اب شمالی کوریا مزید کوئی میزائل نہیں بنائے گا۔انھوں نے مزید بتایا کہ صدر ٹرمپ نے اس بریفنگ پر خوشی کا اظہار کیا اور کہا کہ وہ مئی کے مہینے تک کم جونگ اَن سے ملیں گے اور ایک مستقل معاہدہ کرنے کی کوشش کریں گے تاہم امریکہ نے عندیہ دیا ہے کہ جب تک کوئی معاہدہ نہیں ہو جاتا شمالی کوریا پر عائد پابندیاں قائم رہیں گی۔

یہ بھی پڑھیں:امریکی مصنوعات پر مزید یورپی ٹیکس عائد کرنے کی تیاری