تلنگانہ میں بارش اور آندھرا میں خشک موسم کا امکان

 حیدرآباد  ...... آئندہ 48گھنٹوں کے دوران تلنگانہ میں بعض مقامات پر گرج و چمک کے ساتھ بارش کا امکان ہے جبکہ آئندہ 5دنوں کے دوران آندھراپردیش میں موسم کے خشک رہنے کا امکان ہے ۔ محکمہ موسمیات نے اپنے بلیٹن میں کہا ہے کہ گزشتہ 24گھنٹوں کے دوران تلنگانہ اور آندھراپردیش میں موسم خشک رہا۔ تلنگانہ میں اعظم ترین درجہ حرارت 38ڈگری سیلسیس بھدراچلم اور محبوب نگر میں ریکارڈ کیا گیا جبکہ اقل ترین درجہ حرارت 19ڈگری سیلسیس ‘ عادل آباد میں ریکارڈ کیا گیا۔ آندھراپردیش میں اعظم ترین درجہ حرارت 38ڈگری سیلسیس اضلاع اننت پور ،کرنول کے علاوہ نندی گاما میں ریکارڈ کیا گیا جبکہ اقل ترین درجہ حرارت 19ڈگری سیلسیس آروگیہ ورم ‘ کڑپہ اور تروپتی میں ریکارڈ کیا گیا۔