مئیزو ای 3 اسمارٹ فون لانچ

مئیزو کمپنی نے ای 3 اسمارٹ فون چائنا میں متعارف کروا دیا ہے۔ اسمارٹ فون میں 5.99 انچ آئی پی ایس ڈسپلے ، اسنیپ ڈریگن 636 پروسیسر اور 6 جی بی ریم دیا گیا ہے۔ اسمارٹ فون کو 64 جی بی اور 128 جی بی کے دو اسٹوریج آپشنز میں پیش کیا گیا ہے۔ فون کی پشت پر ڈوئل کیمرہ سیٹ اپ دیا گیا ہے جس میں ڈوئل ٹون فلیش کے ساتھ 12 میگا پکسل اور 20 میگا پکسل کے دو کیمرے شامل ہیں ۔ اسمارٹ فون کا فرنٹ کیمرہ 8 میگا پکسل کا ہے۔ فنگر پرنٹ سینسر کو فون کے دائیں جانب جگہ دی گئی ہے ۔ یہ اسکینر صرف 0.2 سیکنڈ میں اسمارٹ فون کو ان لاک کرنے کی صلاحیت رکھتا ہے۔ اسمارٹ فون کی بیٹری 3300 ملی ایمپئیر آورز کی ہے اور اس میں فاسٹ چارجنگ سپورٹ بھی دی گئی ہے۔ اسمارٹ فون کے پری آرڈر 26 مارچ اور شپنگ 30 مارچ سے شروع ہوگی۔ 64 جی بی اسٹوریج کے ساتھ فون کی قیمت 1799 یان اور 128 جی بی اسٹوریج کے ساتھ فون کی قیمت 1999 یان ہے۔