سونم ایکس پی 8 رگڈ اسمارٹ فون متعارف‎

سونم کمپنی نے ایکس پی 8 رگڈ اینڈرائڈ فون پیش کر دیا ہے۔ اسمارٹ فون کو خصوصی طور پر مزدوروں ، فائر فائٹرز اور سخت موسمی حالات میں کام کرنے والے افراد کے لیے بنایا گیا ہے۔ فون پانی ، گردوغبار ، وزن ، حرارت اور نمی کو برداشت کرنے کی اہلیت رکھتا ہے۔ فون کے فرنٹ پر دو اسپیکرز دیئے گئے ہیں جن کی مدد سے شدید شور میں بھی فون کی آواز کو بآسانی سنا جا سکتا ہے۔ اسمارٹ فون میں 5 انچ ڈسپلے ، قالکوم اسنیپ ڈریگن 630 پروسیسر ، 4 جی بی ریم اور 64 جی بی اسٹوریج دیا گیا ہے۔ اسمارٹ فون میں 12 میگا پکسل کا بیک کیمرہ اور 8 میگا پکسل کا فرنٹ کیمرہ شامل کیا گیا ہے۔ فون کی بیٹری 4900 ملی ایمپئیر آورز کی ہے۔ فون اینڈرائیڈ نوگیٹ آپریٹنگ سسٹم کے تحت کام کرتا ہے۔ فون کی قیمت 700 ڈالر ہے اور اسے فروخت کے لیے پیش کر دیا گیا ہے ۔