ہندوستانی ماہی گیروں نے پاکستان زندہ باد کے نعرے لگا دئیے

کراچی...پاک بحریہ نے کھلے سمندر میں پھنسی ہندوستانی کشتی کو بچالیا ۔ترجمان پاک بحریہ کے مطابق ہندوستانی ماہی کی کشتی ’ایس ٹی مارس‘ انجن میں خرابی کے باعث کھلے سمندر میں مشکلات کا شکار تھی ۔کشتی میں سوار 12 افراد بھوک پیاس سے نڈھال مدد کے طلب گار تھے۔ پاک بحریہ کے جہاز عالمگیر نے انسانی ہمدردی کے تحت ماہی گیروں کی مدد کی۔ پی این ایس عالمگیر کی ٹیکنیکل ٹیم نے ہندوستانی کشتی کے انجن کی فنی خرابی کو دور کیا ۔ماہی گیروں کو اشیائے خورو نوش کے ساتھ طبی امداد بھی فراہم کی ۔جس پر ماہی گیروں نے اظہارِ تشکر کے طور پر کھلے سمندر میں پاکستان زندہ باد کے نعرے لگائے۔ ترجمان نے کہا کہ پا ک بحریہ انسانی مدد کے آپریشنزکی انجام دہی میں بھی پیش پیش رہتی ہے ۔یہ آپریشن اس بات کا بھی غماز ہے کہ پاکستان علاقائی امن کا خواہاں ہے۔

مزید پڑھیں:پاک وہند کے ڈی جی ایم اوز کا ہاٹ لائن پر رابطہ