سری دیوی کی موت کی تحقیقات سے متعلق درخواست مسترد
نئی دہلی -- - - سپریم کورٹ نے بالی وڈ کی اداکارہ سری دیوی کی موت کی تحقیقات سے متعلق دائر درخواست رد کردی۔سپریم کورٹ میں سری دیوی کی موت سے متعلق تحقیقات کیلئے دائر کی گئی ۔درخواست پر سماعت جسٹس دیپک مشرا نے کی۔ جسٹس دیپک مشرا نے درخواست مسترد کرتے ہوئے ریمارکس دئیے کہ سری دیوی کی موت کی تحقیقات میں مداخلت نہیں کرسکتے۔3ماہ قبل دبئی کے ہوٹل میں اداکارہ کی اچانک موت ان کے چاہنے والوں کیلئے معمہ بنی ہوئی ہے۔ یہی وجہ ہے کہ لوگ جاننا چاہتے ہیں کہ آخر سری دیوی کی موت کیسے ہوئی ؟ فلمساز سنیل سنگھ نے سپریم کورٹ میں درخواست دائر کی تھی ۔درخواست گزار کے وکیل وکاس سنگھ نے سری دیوی کی موت پر شکوک و شبہات کا اظہار کرتے ہوئے عدالت میں موقف اختیار کیا تھا کہ اداکارہ کے نام پر عمان میں 240 کروڑ کی انشورنس پالیسی تھی جو صرف اسی صورت میں گھر والوں کو مل سکتی تھی جب ان کی موت دبئی میں ہو۔یاد رہے کہ سنیل سنگھ نے اس سے قبل دہلی ہائی کورٹ میں بھی سری دیوی کی موت سے متعلق تحقیقات کیلئے درخواست دائر کی تھی جسے رد کردی گئی تھی۔
