گوشت گلانے کے لیے استعمال ہونے والے پاؤڈر سے کپڑوں کے داغ دھبوں کو دور کیا جاسکتا ہے ۔ دودھ ، چاکلیٹ یا خون کے دھبوں کو صاف کرنے کے لئے گوشت گلانے کے لیے استعمال ہونے والا پاؤڈر لگا کر رگڑیں داغ ختم ہو جائیں گے ۔
اگرقالین پر سیاہی کے داغ لگ جائے تو دودھ میں تھوڑا سا میدہ ملا کر پیسٹ بنالیں اور اس پیسٹ کو قالین پر سیاہی کے داغ پر لگائیں ۔ کچھ دیر کے لیے چھوڑ دیں اور پھر برش سے داغ صاف کرلیں ۔ سیاہی کے داغ مکمل طور پر صاف ہو جائیں گے ۔
کیچپ ، کولڈ ڈرنک اور ہیئر ڈرائی کے دھبوں کو صاف کرنے کے لیے چوبیس گھنٹے کے اندر اندر دھونا ضروری ہے ۔ داغ پر سرکہ لگائیں اور دھونے کے لئے واشنگ مشین میں ڈال دیں ۔
بچوں اور بڑوں کے کپڑوں پر لگے داغ مٹانے کے لیے ایک پیالے میں تھوڑا سا ہائیڈروجن پر آکسائیڈ اور تھوڑا سا ٹوتھ پیسٹ ملالیں اور اسے داغ پر لگائیں ۔ کچھ دیر رگڑتی رہیں ۔ چند منٹ بعد داغ مکمل طور پر صاف ہو جائے گا ۔
