تلسی کے بیج معدے کی تیزابیت دور کرنے میں مددگار
تلسی یا تخم ریحان ایک ایسا پودا ہے جس کے نہ صرف پتے بلکہ بیج بھی مختلف بیماریوں کے علاج میں کام آتے ہیں ۔ یہ جراثیم کش ، ذیابیطس سے بچانے والے اینٹی آکسیڈنٹ اور سوزش کو دور کرنے کی صلاحیتوں سے مالا مال ہے ۔ تلسی کے پتے باقاعدگی سے چبانے سے خون صاف ہوجاتا ہے جس کے باعث جسم پر دانے یا کیل مہاسے نکلنے کی شکایت دور ہو جاتی ہے ۔ ان پتوں کا جوشاندہ کھانسی ، زکام ، گلے کی خراش ، سر درد اور سانس کی بیماریوں کے لئے مفید ہے ۔ یہ تیزابیت ، گرمی ، بخار اور دل کے امراض میں بھی مفید ثابت ہوتا ہے ۔ ایک چمچ تلسی کے بیج لیکن ایک پیالی پانی میں چند گھنٹوں کے لیے بھگو دیں اور دن میں دوبار یا سحر اور افطار میں استعمال کریں ۔ یہ معدے کی گرمی اور تیزابیت دور کرنے کے لیے بہترین ہے ۔ اس کے علاوہ تلسی کے پتوں کو پیس کر لگانے سے مکھی ، مچھر اور حشرات الارض پاس نہیں آتے ۔
