ایل جی ایکس 2 بجٹ اسمارٹ فون متعارف
ایل جی کمپنی نے نیا بجٹ اسمارٹ فون ایکس 2 متعارف کرا دیا ہے۔ اسمارٹ فون میں 5 انچ ایچ ڈی ڈسپلے ، کواڈ کور قالکوم اسنیپ ڈریگن پروسیسر ، اینڈرائیڈ نوگیٹ آپریٹنگ سسٹم ، 2 جی بی ریم اور 16 جی بی اسٹوریج دیا گیا ہے ۔ اسٹوریج کو ایس ڈی کارڈ کی مدد سے بڑھایا جا سکتا ہے۔ فون کے کیمرہ سیٹ اپ میں پشت پر ایل ای ڈی فلیش کے ساتھ 8 میگا پکسل اور فرنٹ پر 5 میگا پکسل کا کیمرہ دیا گیا ہے۔اسمارٹ فون کی بیٹری 2500 ملی ایمپیئر آورز کی ہے۔کنکٹیویٹی کے لیے فون میں فورجی ، وائی فائی ، بلیوٹوتھ ، ایف ایم ریڈیو اور جی پی ایس سپورٹ دی گئی ہے۔فون کی قیمت 12200 ہندوستانی روپے ہے۔
