آر ٹیکل 6لگانا ہے تو لگائیں، اسفند یار

لاہور...عوامی نیشنل پارٹی کے سربراہ اسفند یار ولی نے کہا ہے کہ ڈیموں کے مخالف نہیں لیکن کالا باغ ڈیم مختلف چیز ہے۔کوئی آرٹیکل 6 لگاتا ہے تو لگالے۔ کالا باغ ڈیم کی مخالفت کرنی ہے۔ عمران خان الیکٹڈ وزیر اعظم نہیں انہیں سلیکٹڈ وزیر اعظم سمجھتا ہوں ، جو زبان رکھتے ہیں انہیں اسمبلی نہیں آنے دیا گیا اور جو بے زبان تھے انہیں اسمبلی لے آئے ۔صرف انتقال اقتدار نہیںبلکہ انتقال اختیار بھی ہو ۔ جاتی امراءرائے ونڈ میں نواز شریف سے ملاقات کے بعد میڈیا سے گفتگو کرتے ہوئے انہوںنے کہا کہ ایک بات بالکل واضح کر دوں کہ ڈیم مختلف مختلف چیز ہے اور کالا باغ مختلف ہے ۔ ڈیموں کے مخالف نہیں لیکن کوئی کالا باغ ڈیم کے معاملے پر آرٹیکل 6لگاتا ہے تو لگا لے ۔ انہوںنے کہا کہ سب مشترکہ دعا کریں کہ یہاں صرف انتقال اقتدار نہ ہو بلکہ انتقال اختیار بھی ہو ۔ موجودہ حکومت کے ملٹری سے تعلقات سے متعلق سوال پر انہوں نے کہاکہ یہ آپ عمران خان سے پوچھیں ۔ انہوں نے کہا کہ سیاست اپنی جگہ لیکن شائستگی اپنی جگہ ہے ۔ جب سے کپتان سیاست میں آئے ہیں سیاست سے شائستگی ختم ہو گئی ۔سیاست میں ذاتیات پراتر آناٹھیک بات نہیں ۔ اگر آپ نے مجھ سے عزت لینی ہے تو مجھے عزت دینی بھی ہو گی ۔ انہوںنے کہا کہ افغانیوں کو شہریت دینا ہمارا مطالبہ تھا ۔جو لوگ مشرقی سرحد پار کر کے آئے انہیں آپ نے شہریت بھی دی اور حکمرانی کا حق بھی دیا لیکن وہ لوگ جن کے باپ داد نے قربانیاں دیں امریکہ کی جنگ کی خوارک بنے ان کی تیسری نسل کیوں شناخت سے محروم ہے ۔