ہیروئن سمگل کرنے پر تین غیر ملکیوں کو سزائے موت

سعودی وزارت داخلہ نے کہا ہے ہیروئن سمگل کرنے پر تین غیر ملکیوں پر سزائے موت کا عدالتی فیصلہ نافذ کردیا گیا ہے۔

سعودی پریس ایجنسی کے مطابق وزارت نے کہا ہے کہ ’پاکستانی تارک قل نور حلیم اور افغانی تارکین قل عمر خان اور سید غریب خاکیانی کو ہیروئن سمگل کرنے کی کوشش کرتے ہوئے پکڑا گیا تھا‘۔

’مذکورہ افراد کو تمام شواہد اور ثبوت کے ساتھ عدالت میں پیش کیا گیا جہاں الزام ثابت ہونے پر اور زمین میں فساد پھیلانے پر سر قلم کرنے کی سزا سنائی گئی‘۔

’فیصلے پر اپیل کورٹ نے تصدیق کی اور ایوان شاہی نے سزا نافذ کرنے کی منظوری دی ہے‘۔

وزارت نے کہا ہے کہ ’آج منگل کو مکہ مکرمہ ریجن میں عدالت کا فیصلہ نافذ کر دیا گیا ہے‘۔