بیرون ملک پاکستانیوں کی10 ہزار سے زائد جائدادیں

  اسلام آباد...وزیراعظم کے معاون خصوصی شہزاد اکبر نے کہا ہے کہ بیرون ملک اثاثے رکھنے والوں کی تفصیلات مل گئیں ۔بیرون ممالک 10 ہزار سے زائد جائیدادیں ہیں۔ دبئی میں 3 ہاوسنگ سوسائٹیز کی تفصیلات ہیں۔ 300 پراپرٹیز کو نوٹسز جاری کردیئے گئے۔جنہیں نوٹس بھیجے ان 300 لوگوں کی فہرست سپریم کورٹ میں جمع کرائی جائےگی۔ سوئس معاہدہ اسحاق ڈار نے جان بوجھ کر روکے رکھا۔ معاہدے کی تاخیر کے باعث معاملہ تعطل کا شکار رہا۔ 2013 کے بعد سوئس اکاونٹ پر کوئی معلومات نہیں مانگی ہی نہیں گئیں۔اثاثوں کی واپسی کےلئے ٹاسک فورس کے ارکان کا انتخاب کرلیا گیا ۔مزید ممالک کے ساتھ بھی ہنڈی حوالہ پر گفتگو چل رہی ہے۔پانا مہ لیکس میں نام آنے کا ہرگز مطلب نہیں کہ آپ نے کرپشن کی ہے۔سیاسی عہدے پر رہنے والے کی کوئی پراپرٹی نکل آتی ہے تو تحقیقات ہوگی ۔مشاہد اللہ خان کے معاملے کو تحقیقات کےلئے نیب میں بھیج رہے ہیں۔سیاسی عہدے پر رہنے والے کی کوئی پراپرٹی نکل آئی تو تحقیقات ہوگی۔ جمعہ کو میڈیا سے بات چیت کرتے ہوئے شہزاد اکبر نے کہا کہ 10 ہزار جائیدادیں برطانیہ اور متحدہ ارب امارات میں شناخت کرلی گئیں، 300 پراپرٹیز کو نوٹسز جاری کردیئے گئے ۔جنہیں نوٹس بھیجے ان 300 لوگوں کی فہرست سپریم کورٹ میں جمع کرائی جائے گی۔ پہلے مرحلے میں 895 پراپرٹیز پر تحقیقات شروع کردی گئی۔شہزاد اکبر نے کہا کہ منی لانڈرنگ کے لئے جعلی اکاونٹس بنائے گئے۔ بڑے لوگوں کے ڈرائیور یا ملازم کے نام اکاونٹ نکل رہے ہیں۔ منی لانڈرنگ کے خاتمے کے لئے سخت اقدامات کررہے ہیں۔