ریاض۔۔۔نائب وزیر شہری خدمات عبداللہ الملفی نے کہا ہے کہ ریٹائرمنٹ قانون کے مطابق 15 لاکھ اسامیاں منظور شدہ ہیں۔ 2 لاکھ اسامیاں یا تو ختم ہوجائیں گی یا دیگر اسامیوں میں ضم ہوجائیں گی۔ انہوں نے ریاض میں منعقدہ بین الاقوامی کانفرنس میں شرکت کے موقع پر کہا کہ ان کی وزارت سرکاری اداروں میں سعودیوں کو روزگار فراہم کرنے کے مشن پر عمل پیرا ہے۔ نائب وزیر مواصلات ہیثم العوہلی نے کہا کہ 4500 اسامیوں پر درخواستیں طلب کی گئی تھیں انہیں پُر کرنے کیلئے مطلوبہ اہلیت رکھنے والے ناپید ہیں۔ خلا کو پُر کرنے کیلئے متعدد اسکیمیں روبہ عمل لائی جارہی ہیں۔
