کوئٹہ: بلوچستان میں کوسٹ گارڈز نے ایک بڑی کارروائی کرتے ہوئے 75 کلوگرام کرسٹل قبضے میں لے لی۔ ذرائع کے مطابق ترجمان کوسٹ گارڈ کے مطابق خفیہ ذرائع سے اطلاع ملی تھی کہ گوادر (بلوچستان) کے قریب تربت روڈ پر منشیات اسمگل ہونے کا خدشہ ہے جس کے پیش نظر متعلقہ علاقہ کمانڈرز کو سخت چیکنگ کے احکامات جاری کیے گئے۔ اسی دوران نیلنیٹ کے قریب شاہ جہاں روڈ چیک پوسٹ پر خصوصی چیکنگ کے دوران مشکوک گاڑی کی تلاشی کے دوران خفیہ خانوں میں سامان کے نیچے چھپائی گئی 75کلوگرام اعلیٰ کوالٹی کی کرسٹل برآمد ہوئی، جس کی مالیت 80کروڑ 30لاکھ کے لگ بھگ ہے۔ ترجمان کوسٹ گارڈ کے مطابق کارروائی کے دوران ایک ملزم کو گرفتار بھی کیا گیا ہے جس سے تفتیش جاری ہے۔
