عوام کا نوکر ہوں،فیصل واوڈا

اسلام آباد... وفاقی وزیر فیصل واڈا نے کہاہے کہ میں جو بات کرتا ہوں ، اس کاثبوت مل جاتاہے۔میری نواز شریف کی جانب2ارب ڈالر کی پیشکش کی بات کو مسلم لیگ ن کے 5 لوگوں نے پریس کانفرنس کے دوران یہ بات کر کے ثابت کردیا تھا کہ جب علیمہ خان کو رعایت مل سکتی ہے تو پھر یہ معاملہ نواز شریف کے ساتھ کیوں نہیں کیاجا سکتا ؟ٹی وی انٹرویو میںانہوں نے کہا کہ مسلم لیگ ن میں فارورڈ بلاک بننے کی بات کی تھی۔ اپنی بات پر اب بھی قائم ہوں۔چوہدری نثار اب ن لیگ میں نہیں ہیں اور کچھ دیر بعد بہت سے ن لیگ کے لوگ مسلم لیگ ن کاحصہ نہیں ہونگے۔ فاروڈ بلاک مسلم لیگ ن کے اندر سے ہی بنے گا۔ انہوں نے کہا کہ شائستہ پرویز اچھے طریقے سے بات کریں بصورت دیگر مجھے ہر طریقے سے بات کرنا آتی ہے ۔شاہد خاقان عباسی نے مجھے عوام کا نوکر کہاہے تو میں خود کہتا ہوں کہ عوام کا نوکر ہوں لیکن کرپشن کرنیوالوں اورچوروں کے باپ کا نوکر نہیں ہوں۔ انہوں نے کہا کہ جو لوگ اپنے کالے پیسے کی وجہ سے اپنے ماں باپ تک کودفنانے نہیں آرہے ، وہ مجھے شرافت کا درس دے رہے ہیں۔انہوں نے کہاکہ مہمند ڈیم 53سال بعد بننے جارہاہے۔ اس کے لئے جان دینی پڑی تودیدوں گا ۔ ڈیم کورول بیک نہیں ہونے دوں گا۔ ڈیم ہر حالت میں بنے گا۔