آئندہ چند سالوں میں حج مزید مہنگا ہو گا

اسلام آباد ... وفاقی وزیر مذہبی امور نورالحق قادری نے کہا ہے کہ ریاست مدینہ میں حج عمرہ مفت نہیں ہوتا۔کا بینہ کے دلا ئل سے میں مطمئن ہو ں۔ (ن)لیگ نے الیکشن کے باعث حج پر سبسڈی دی تھی ۔ ٹی وی انٹرویو میں انہوں نے کہا کہ سعودی وزارت حج کی خواہش ہے کہ تمام ممالک حج تین سے چار سال میں بتدریج نجی شعبے کو منتقل کریں۔آئندہ چند برس میں حج مزید مہنگا اور نجی شعبے کے تحت ہی ممکن ہوسکے گا۔انہوں نے کہا کہ حج سبسڈی کی سمری وفاقی کابینہ میں پیش کی گئی اور اس کے حق میں دلائل بھی د ئیے تھے تاہم کابینہ نے حج سبسڈی پر اتفاق نہیں کیا۔ وزیراعظم عمران خان نے کہا بدحال معیشت میں سبسڈی دینے پر ان کا دل نہیں مانتا۔ حج صاحب اسطاعت لو گوں پر فرض ہے۔ اگر یہ سبسڈی دیگر شعبوں میں لگا ئی جا ئے تو اس کا فائدہ ملک کی غریب عوام کو ہو گا ۔۔انہو ں نے مزید کہا کہ اسلامی نظریاتی کونسل نے سبسڈی کو جائز قرار دیا تھا ا ور مرحلہ وار سبسڈی ختم کرنے کی تجویز دی تھی ۔