مودی کو بل گیٹس فاؤنڈیشن کا ایوارڈ، سوشل میڈیا سراپا احتجاج

بھاری وزیرِ اعظم نریندر مودی کو ہندوستان میں صفائی کے حوالے سے اقدامات کرنے پر بل اور میلنڈا فاونڈیشن کی جانب سے ایوارڈ دیے جانے کی تیاریاں عروج پر ہیں۔

البتہ، سوشل میڈیا پر اس کے خلاف شدید تنقید بھی ہورہی ہے اور لوگ بل گیٹس کے اس فیصلے پر سوال اٹھا رہے ہیں۔

اپنے ایک بیان میں فاونڈیشن نے واضح کیا تھا کہ وہ یہ ایوارڈ مودی کو اپنے ملک میں صفائی کا نظام بہتر بنانے اور اقوام متحدہ کے اہداف حاصل کرنے کے اعزاز میں دے رہے ہیں۔

’صفائی کڑوروں لوگوں بشمال خواتیں اور بچوں کی صحت کے لیے ایک نہایت اہم عنصر ہے،‘ بیان میں کہا گیا۔

24 ستمبر کو مودی کو یہ ایوارڈ نیو یارک میں دیا جائے گا جو دراصل انکے پروگرام سوارچھ بھارت مشن کے اعزاز میں ہوگا جس کے تحت بھارت میں غسل خانے بنانے کو ترجیح دی گئی۔

اس فیصلے کے خلاف ارجن سیٹھی نامی ٹوئٹر صارف اور اننسانی حقوق کے سرگرم کارکن نے لکھا کہ اگر آپ ایک جگہ غسل خانے بنا رہے ہیں اور دوسری جانب لوگوں پر تشدد کروا رہے ہیں تو آپ ایسے اعزاز کے ہر گز حقدار نہیں ہیں۔

قابلِ ذکر ہے کہ اس وقت بھارت کے زیرِ انتظام کشمیر میں 40 دن سے زیادہ گزر چکے ہیں مر کرفیو بدستور قائم ہے جبکہ وہاں رہنے والوں کے گھروں میں کھانے پینے کی اشیا ختم ہوجانے کی اطلاعات ہیں۔ مزید براں، مودی کے ہی دور اقتدار میں ہندوتوا تحریک نے بھارت میں زور پکڑ رکھا ہے جہاں اب ’ماب لنچنگ‘ یعنی ہجوم میں اکھٹا ہو کر کسی شخص پر کوئی الزام لگا کر اس پر حملہ کرنا کرنا روز کا معمول بنتا جا رہا ہے۔

معروف محقیقن نے بھی گیٹس فاونڈیشن کے اس فیصلہ پر شدید احتجاج کیا ہے جب کہ بین الاقوامی شہرت یافتہ اداکار جیسے کہ جمیلا جمیل اور رز احمد نے اس تقریب میں اب جانے سے انکار کردیا ہے کہ جس میں مودی کو ایوارڈ بخشا جائے گا۔