مطلقہ یا بیوہ پانچ سالہ مفت اقامہ کیسے حاصل کریں؟

 سعودی محکمہ پاسپورٹ نے مطلقہ یا بیوہ کے لیے پانچ سالہ مفت اقامہ حاصل کرنے کا طریقہ کار متعارف کرایا ہے۔

بیوہ یا مطلقہ کو پانچ سالہ اقامے کے حصول کے لیے مخصوص دستاویزات اور کاغذات پیش کرنا ہوں گے۔

عاجل ویب سائٹ کے مطابق محکمہ پاسپورٹ نے اپنی ویب سائٹ پر بیان جاری بتایا کہ ’پانچ سالہ مفت اقامہ صرف ان مطلقہ یا بیوہ خواتین کو دیا جائے گا جو سعودی اولاد کی مائیں ہوں‘۔

محکمہ پاسپورٹ نے سعودی اولاد کی غیر ملکی ماں کو مفت اقامہ دینے کے لیے لائحہ عمل جاری کیا ہے۔

محکمے کے مطابق بیوہ یا مطلقہ کو مندرجہ ذیل دستاویزات پیش کرنا ہوں گی۔

مستقل اقامے والا فارم بھرنا ہوگا۔

پاسپورٹ کی فوٹو کاپی جمع کرانا ہوگی۔

اقامہ کارڈ کی فوٹو کاپی پیش کرنا ہوگی۔

طلاق نامے کی فوٹو کاپی پیش کرنا ہوگی۔

نکاح نامے کی فوٹو کاپی دینا ہوگی اس کی شرط یہ ہے کہ نکاح نامے پر وزارت داخلہ کی جانب سے شادی کی منظوری بھی تحریر ہو۔

سعودی اولاد کے برتھ سرٹیفکیٹ کی کاپی جمع کرانا ہوگی۔

فیملی کارڈ کی فوٹو کاپی پیش کرنا ہوگی۔

ایک دستاویز یہ پیش کرنا ہوگی کہ وہ مطلقہ یا بیوہ اپنے شوہر کی وفات یا طلاق ملنے کے بعد کسی اور کے نکاح میں نہیں ہے۔

شوہر کے انتقال کی صورت میں ڈیتھ سرٹیفکیٹ بھی پیش کرنا ہوگا۔