پاکستان: کورونا سے 10 اموات، 424 نئے مریض

پاکستان میں گذشتہ 24 گھنٹوں کے دوران وبا کے 424 نئے مریضوں کی تشخیص ہوئی ہے جبکہ 10 افراد ہلاک ہوئے ہیں۔

جمعرات کو نیشنل کمانڈ اینڈ آپریشن سینٹر سے جاری ہونے والے اعداد و شمار کے مطابق ملک میں کورونا وائرس سے متاثر ہونے والے افراد کی کل تعداد 2 لاکھ 97 ہزار 14 ہو گئی ہے جبکہ اب تک 6 ہزار 328 افراد ہلاک ہو چکے ہیں۔

پاکستان میں کورونا وائرس سے 2 لاکھ 81 ہزار 925 افراد صحت یاب بھی ہوئے ہیں۔

سرکاری اعداد و شمار کے مطابق ملک میں کورونا وائرس کے 585 مریضوں کی حالت تشویشناک ہے۔

ملک میں گذشتہ 24 گھنٹوں کے دوران کورونا وائرس کے 21 ہزار 744 ٹیسٹ کیے گئے ہیں جبکہ اب تک مجموعی طور پر پورے ملک میں 26 لاکھ 84 ہزار  252 ٹیسٹ کیے چا چکے ہیں۔

پاکستان کے زیرانتظام کشمیر، گلگت بلتستان اور بلوچستان میں کوئی مریض وینٹی لیٹر پر نہیں ہے۔

ملک بھر میں کورونا وائرس کے مریضوں کے لیے مختص ایک ہزار 920 وینٹی لیٹرز میں سے 90 زیر استعمال ہیں۔