سعودی آرامکو اور جاپانی توانائی انسٹی ٹیوٹ (آئی ای ای جے) نے سابک کی شراکت سے جاپان کو بلیو امونیا کی پہلی شپمنٹ برآمد کی ہے۔
بلیو امونیا کو کاربن کے اخرج کے بغیر بجلی کی پیداوار کے لیے پاور پلانٹس میں استعمال کیا جائے گا۔
مملکت کو جاپان کی وزارت اقتصاد و تجارت و صنعت (ایم ای ٹی آئی) کا تعاون حاصل رہا ہے۔ آرامکو نے جاپان کو کاربن فری توانائی تیار کرنے کے لیے 40 ٹن بلیو امونیا برآمد کی ہے۔
In a step towards zero-carbon power generation, #Aramco partnered with #Sabic and the Institute of Energy Economics in Japan to produce and dispatch the first blue ammonia shipment from Saudi Arabia to Japan.
— Aramco (@Aramco) September 27, 2020
سعودی خبررساں ادارے ایس پی اے کے مطابق یہ کامیابی ایسے ماحول میں حاصل ہوئی ہے جبکہ توانائی کے بین الاقوامی نظام میں ہائیڈروجن کے بڑھتے ہوئے کردار کے حوالے سے توقعات کا اظہار کیا جارہا ہے۔
امونیا ہائیڈروجن کے تین ذروں اور نائٹروجن کے ایک ذرے سے بنتی ہے۔ یہ توانائی کی بڑھتی ہوئی بین الاقوامی طلب سے نمٹنے میں اہم کردارادا کرے گی۔ اس کے نرخ معقول ہوں گے اور اس پر بھروسہ کیا جاسکے گا۔
سعودی جاپانی امونیا نیٹ ورک کے تحت ہائیڈرو کاربن وہ ہائیڈروجن اور پھر اسے امونیا میں تبدیل کیا جارہا ہے جبکہ کاربن ڈائی آکسائڈ کے نکلنے کو روکا جارہا ہے۔
