’ اب تک فایزر ویکسین دی جارہی ہے کوئی اور نہیں‘، وزارت صحت

وزارت صحت کے سیکریٹری ڈاکٹر ھانی جوخدار  نے کہا ہے  کہ سعودی عرب میں فی الوقت صرف ایک ہی ویکسین دی جارہی ہے  اور وہ فایزر ہے- سعودی فوڈ اینڈ ڈرگس اتھارٹی   (ایس ایف ڈی اے) کورونا وائرس کی دیگر ویکسینوں کا تجزیہ کررہی ہے- ابھی تک فایزر کے سوا کسی بھی کورونا ویکسین کی منظوری نہیں دی گئی-

الیوم اخبار کے مطابق جوخدار نے کہا کہ ویکسین بنانے والی کئی کمپنیوں نے ایس ایف ڈی اے کو اپنی ویکسینیں منظوری کے لیے بھیج دی ہیں-

جوخدار نے کہا کہ فایزر واحد ویکسین ہے جسے سعودی عرب کے متعلقہ اداروں نے منظوری دے رکھی ہے- جوخدار نے بتایا کہ فی الوقت دنیا بھر میں دس ویکسینیں  کافی پیشرفت حاصل کرچکی ہیں یہ مختلف قسم کی ٹیکنالوجی کی بنیاد پر تیار کی گئی ہے- ان کے موثر اور محفوظ ہونے کا تناسب ایک دوسرے سے مختلف ہے-

جوخدار نے کہا کہ ایسی ویکسین جو 60 فیصد سے زیادہ موثر ہو اور اس کے استعمال سے مشکلات نہ پیدا ہوتی ہوں وہی قابل قبول ہوگی-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں