اوور لوڈنگ کی تصویر، محکمہ ٹریفک نے کارروائی کا عندیہ دے دیا

سعودی محکمہ ٹریفک نے ایک ٹوئٹر صارف کی طرف سے شیئر ہونے والی تصویر پر کارروائی کا عندیہ دیا ہے۔

عاجل ویب سائٹ کے مطابق محکمہ ٹریفک نے کہا ہے کہ ’ایک ٹوئٹر صارف نے تصویر شیئر کرتے ہوئے ٹریفک خلاف ورزی کی طرف توجہ دلائی ہے‘۔

’ایک پک اپ میں غیر قانونی اور ضابطے کی خلاف ورزی کرتے ہوئے سامان لے جایا جارہا ہے جس سے راہگیروں اور دیگر مسافروں کے لیے خطرات لاحق ہونے کا امکان ہے‘۔

محکمہ ٹریفک نے کہا ہے کہ ’محکمے نے نوٹس لے لیا ہے، مذکورہ گاڑی کی تلاش اور ڈرائیور کے خلاف جرمانہ نافذ کرنے کی ہدایت جاری ہوگئی ہے‘۔