سعودی عرب سمیت 69 ممالک میں سیاحت بند

عالمی تنظیم سیاحت نے ماہانہ رپورٹ جاری کرکے کہا ہے کہ دنیا بھر میں ہر تین ملکوں میں سے ایک نے عالمی سیاحت کے لیے اپنے دروازے بند کردیے ہیں- سیاحوں کے لیے  69 ممالک بند ہیں ان میں سے سعودی عرب سمیت مشرق وسطی کے تین ممالک بھی عالمی سیاحت پر پابندی لگائے ہوئے ہیں-

سبق ویب سائٹ کے مطابق عالمی تنظیم سیاحت نے توجہ دلائی کہ وبا کے مسلسل خطرات کے ڈر سے حکومتیں زیادہ محتاط طریقہ کار اپنانے پر مجبور ہوگئی ہیں- فروری  2021 کے بعد سے دنیا کے  32 فیصد ممالک نے عالمی سیاحت کے لیے بند کیے ہیں- ان میں 38 فیصد ایسے ہیں جو کم از کم 40 ہفتے کے لیے بند ہیں جبکہ 34 فیصد ممالک عالمی سیاحت کے لیے جزوی طور پر بند پڑے ہوئے ہیں-

عالمی تنظیم سیاحت کے سیکریٹری جنرل زورب پولیشکاول نے کہا کہ کورونا وائرس کو پھیلنے سے روکنے کے لیے سفری پابندیوں کا سہارا بڑے پیمانے  پر لیا گیا- اب جبکہ ہم نے سیاحت کی بحالی کے لیے اقدامات شروع کیے ہیں تو ہمیں سیاحت کی بحالی کے حوالے سے یہ حقیقت مدنظر رکھنا ہوگی کہ سفری پابندیاں وبا سے بچاؤ کے حل کا ایک حصہ ہے یہ مکمل حل نہیں ہے- ہمیں اس سلسلے میں لچکدار طریقہ کار اپنانا ہوگا- تازہ ترین اعدادوشمار کو مدنظر رکھ کر فیصلے کرنا ہوں گے-

عالمی تنظیم سیاحت کی رپورٹ میں بتایا گیا ہے کہ 69 ممالک ایسے ہیں جو سیاحوں کے لیے مکمل طور پر بند ہیں- ان میں سے  30 فیصد ایشیا و بحر الکاہل،  15 فیصد یورپ، 11 فیصد افریقہ  اور دس کا تعلق امریکاؤں سے ہے- تین ممالک مشرق وسطی سے تعلق رکھتے ہیں جن میں سے ایک سعودی عرب شامل ہے-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں