عرب دنیا کو محفوظ سیاحت کی ضرورت

عرب سیاحت کی تنظیم نے عرب دنیا سے 25 فروری کو ’ محفوظ عرب سیاحت کی طرف ڈیجیٹل تبدیلی‘کے نعرے کے تحت عرب سیاحت کا دن منانے کا مطالبہ کیا ہے۔

انہوں نے کہا کہ مستقبل میں عرب سیاحت انڈسٹری کا اندازہ سیاحوں کی تعداد بلکہ خدمات کے معیار اور ٹیکنالوجی کی ترقی سے کیا جائے گا۔

سعودی خبر رساں ادارے ایس پی اے کے مطابق تنظیم نے کہا ہے کہ کورونا وبا کے تناظر میں صحت کے طریقہ کار کے مطابق سیاحت کی خدمات کو اپ ڈیٹ کرنا ہو گا۔

 تنظیم کا مزید کہنا ہے کہ  آمد سے روانگی تک غیر رابطہ سفر کو اس شعبے کی ترجیح ہونی چاہئے۔

عرب سیاحت کی تنظیم نے کہا کہ ڈیجیٹل ٹرانسفارمیشن ایک اہم مقصد ہے جس کے لیے عرب دنیا کو محفوظ سیاحت کی واپسی کی ضرورت ہے۔

تنظیم نے ڈیووس میں ورلڈ اکنامک فورم کے تازہ ترین اعداد و شمار کا حوالہ دیا ہے جس میں پیش گوئی کی گئی ہے کہ 2019 سے 2025 کے دوران ہوا بازی، سفر اور سیاحت کے شعبے میں ڈیجیٹل ٹرانسفارمیشن سے 305 بلین ڈالر کی اضافی رقم پیدا ہو گی۔

اس ٹرانسفارمیشن سے روایتی شعبوں سے نئے حریفوں کو 100 بلین ڈالر کی منتقلی اور ماحولیاتی اثرات کو کم کرنے، حفاظت، سیاحوں کے لیےاخراجات اور وقت کی بچت میں اضافہ کرکے 700 بلین ڈالر کے بالواسطہ فوائد حاصل ہوں گے۔

 تنظیم نے کہا کہ سیاحت کے شعبے میں بھی موجودہ ملازمتوں میں منتخب منتقلی کی توقع کی جار ہی ہے۔

تاہم ملازمت سے منتقل ہونے والے نقصان کو نئے نظام کی تشکیل کی وجہ سے ٹریول سسٹم کے اندر اور باہر نئے ڈیجیٹل دور کی مہارت کی بنیاد پر پورا کیا جا رہا ہے۔

عرب سیاحت کا نیا دور سرکاری سطح پر اور نجی شعبے میں سرمایہ کاروں اور کاروباری اداروں کے ذریعے وقوع پذیر ہو گا۔

مستقبل میں ڈیجیٹل ٹرانسفارمیشن کے سلسلے میں انفارمیشن ٹیکنالوجی پر عالمی اخراجات 7.5 ٹریلین ڈالر تک پہنچنے کی توقع ہے۔