طائف: تیز رفتار ڈرائیونگ کی فخریہ وڈیو شیئر کرنے پر شہری گرفتار

طائف محکمہ ٹریفک نے کہا ہے کہ یہاں جنونی رفتار سے گاڑی چلانے والے ڈرائیور کو گرفتار کرلیا گیا- اس نے  تیز رفتار ڈرائیونگ پر فخر کے لیے وڈیو بھی سوشل میڈیاپر شیئر کی تھی-

اخبار 24 کے مطابق محکمہ ٹریفک نے توجہ دلائی کہ جنونی انداز سے گاڑی چلانے والے مقامی شہری نے نہ صرف یہ کہ اپنی زندگی بلکہ راہگیروں کی سلامتی کو بھی خطرات پیدا کردیے تھے- اس نے تیز رفتار ڈرائیونگ کی وڈیو بھی بنائی تھی- اس طرح وہ دہرے جرم کا مرتکب ہوا-

محکمہ  ٹریفک نے توجہ دلائی کہ ڈرائیور کو حراست میں لے کر مقررہ سزا دلانے کے لیے ٹریفک اتھارٹی کے حوالے  کردیا گیا-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں