ریاض کی دو مساجد سینیٹائزنگ کے بعد بحال

وزارت اسلامی امور و دعوت و رہنمائی نے کہا ہے کہ ریاض کی دو مساجد کو جنہیں کورونا کے باعث عارضی طور  پر بند کیا گیا تھا-  سینیٹائزنگ کے بعد دوبارہ نمازیوں کے لیے بحال کردیا گیا-

عاجل اور سبق ویب کے مطابق وزارت اسلامی امور و دعوت و رہنمائی نے کہا ہے کہ گزشتہ  165 دن کے دوران  1875 مساجد کو سینیٹائزنگ کے بعد بحال کیا گیا ہے- ریاض کی دو مساجد کو نمازیوں میں کورونا کے مریضوں کے سامنے آنے پر بند کیا گیا تھا-

وزارت نے اپنے بیان میں کہا کہ مسجد میں نماز کے لیے آتے وقت جائے نماز ہمراہ لائیں- ماسک کی پابندی کریں- مسجد میں داخلے اور نکلتے  وقت اژدحام کی کیفیت نہ پیدا کریں اور سماجی فاصلہ قائم رکھیں-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں