24 گھنٹے میں کورونا کے 353 نئے مریض

سعودی عرب میں منگل 24 اگست کو بھی کورونا کے 400 سے کم نئے مریض سامنے آئے ہیں جبکہ فعال کیسز کی تعداد میں بھی کمی آئی ہے۔ 

منگل کو سبق نیوز نے وزارت صحت کی جانب سے جاری بیان کے حوالے سے بتایا کہ ’گذشتہ 24 گھنٹوں کے دوران کورونا کے 353 نئے مریض سامنے آئے جبکہ 456 افراد صحت یاب بھی ہوئے۔‘

وزرات صحت کے مطابق ’گذشتہ 24 گھنٹوں کے دوران کورونا کے مزید سات مریض چل بسے، جس کے بعد مرنے والوں کی مجموعی تعداد بڑھ کر آٹھ ہزار 497 ہو گئی ہے۔‘

وزارت کا کہنا ہے کہ ’مملکت میں کورونا کے فعال کیسز کی تعداد کم ہو کر چار ہزار377 رہ گئی ہے، جن میں سے ایک ہزار 108 مریضوں کی حالت نازک ہے جو انتہائی نگہداشت کے یونٹس میں زیرعلاج ہیں۔‘

وزارت صحت کی جانب سے جاری ہونے والے اعداد و شمار کے مطابق ’سب سے زیادہ مریض ریاض ریجن میں سامنے آئے، جن کی تعداد 72 ہے جبکہ مکہ ریجن میں 66 افراد میں وائرس کی تصدیق ہوئی۔‘

الشرقیہ ریجن 41، جازان ریجن میں 34، عسیر ریجن میں 30،مدینہ ریجن میں 26، قصیم ریجن میں 23، نجران ریجن میں 16، الحدود الشمالیہ میں11، حائل ریجن میں 10، تبوک ریجن میں 10،الباحہ ریجن میں 7 اور الجوف ریجن میں 7 مریض سامنے آئے۔

اب تک پانچ لاکھ 42 ہزار 707 افراد میں کورونا وائرس کی تصدیق ہو چکی ہے، جن میں سے پانچ لاکھ 29 ہزار 833 افراد شفایاب بھی ہوئے ہیں۔

وزارت صحت کا کہنا ہے کہ ’کورونا سے بچاؤ کے لیے مقررہ احتیاطی تدابیر پر عمل کرنا ضروری ہے، جن میں سماجی فاصلے کا اصول انتہائی اہم ہے۔‘