شاہ سلمان اور ولی عہد کا سابق الجزائری صدر بوتفلیقہ کے انتقال پر اظہار تعزیت

خادم حرمین شریفین شاہ سلمان بن عبدالعزیز آل سعود نے الجزائر کے صدر عبدالمجید تبون کو سابق صدر جمہوریہ عبدالعزیز بوتفلیقہ کے انتقال پر تعزیتی ٹیلی گرام ارسال کیا ہے ـ 

سعودی خبررساں ایجنسی کے مطابق شاہی تعزیتی پیغام میں کہا گیا تھا ’ سابق صدر جمہوریہ عبدالعزیز بوتفلیقہ کے انتقال پرملال کی خبرموصول ہوئی، ان کی بلندی درجات کےلیے دعا گو ہیں ـ

’غم کے اس موقع پر الجزائریہ قیادت اور عوام کے ساتھ ہیں اور دعا گو ہیں کہ انہیں اپنی رحمت کے سایہ میں رکھے ‘ 

ولی عہد مملکت اور نائب وزیر اعظم و وزیر دفاع  شہزادہ محمد بن سلمان بن عبدالعزیز نے بھی الجزائری صدر کے انتقال پر تعزیتی پیغام صدر عبدالمجید تبون کو ارسال کیا ہے۔