سعودی سفیر سے چیئرمین رویت ہلال کمیٹی کی ملاقات

پاکستان میں سعودی عرب کے سفیر نواف بن سعید المالکی سے مرکزی رویت ہلال کمیٹی کے چیئرمین مولانا عبدالخبیر آزاد نے ملاقات کی ہے۔

سعودی سفارت خانے کے ٹوئٹر بیان کے مطابق سعودی سفیر نواف بن سعید المالکی سے مرکزی رویت ہلال کمیٹی کے چیئرمین اور بادشاہی مسجد کے امام و خطیب مولانا عبدالخبیر آزاد کی ملاقات اسلام آباد میں ہوئی ہے۔

 اس ملاقات میں باہمی دلچسپی کے موضوعات پر تبادلہ خیال کیا گیا۔

سعودی سفیر کے ساتھ پاکستان میں اعلیٰ شخصیات ملاقاتیں کرتے رہتے ہیں۔

پیر کو سعودی عرب کے پاکستان میں سفیر نواف بن سعید المالکی سے پاکستان کے وزیر خزانہ شوکت ترین نے ملاقات کی تھی۔

سعودی سفارت خانے کی ٹویٹ کے مطابق اس ملاقات میں دونوں برادر ممالک کے درمیان باہمی دلچسپی کے امور پر تبادلہ خیال کیا گیا۔