ریاض سیزن: کورین فن کاروں کا کونسا طائفہ شرکت کرے گا؟

سعودی عرب نے 2019 میں پہلی بار جنوبی کوریا کے گلوکاروں کی ٹیم کو ریاض سیزن میں  شامل کیا تھا - محکمہ تفریحات کے سربراہ ترکی آل الشیخ سے پوچھا جارہا تھا کہ اس مرتبہ ریاض سیزن کے پروگراموں میں کورین فن کاروں کی کونسی ٹیم شرکت کرنے والی ہے- 

العربیہ نیٹ کے مطابق آل الشیخ نے بتایا کہ ’سٹرائی کڈز‘ کی ٹیم  2022 میں ریاض سیزن میں کنسرٹ کرے گی- علاوہ ازیں کورین گلوکاری ’کم  چونگا‘ بھی کنسرٹ میں شریک ہوں گی- 

پروگرام کے مطابق 14 جنوری 2022 کو جنوبی کوریا کے فن کار اپنے فن کا جادو جگائیں گے- 25 نومبر 2021 سے بکنگ شروع ہوگی-  

یاد رہے  کہ سعودی عرب نے پہلی بار  2019 کے دوران جنوبی کوریا کہ گلوکاروں کی ٹیم بی ٹی ایس کی میزبانی کی تھی- اس وقت کورین گلوکاروں نے ریاض کے کنگ فہد سٹیڈیم میں  پروگرام کیا تھا-