شاہ سلمان اور ولی عہد کی یوم آزادی پر سوڈانی قیادت کو مبارک باد

خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان نے یوم آزادی پر سوڈان کی عبوری ریاستی کونسل کے سربراہ کو مبارکباد پیش کردی- انہوں نے کیوبا کے صدر کو بھی یوم آزادی کی مبارکباد دی-

ایس پی اے کے مطابق شاہ سلمان نے سوڈان کی ریاستی عبوری کونسل کے سربراہ جنرل عبدالفتاح البرھان کو سوڈان کے یوم آزادی پر مبارکباد پیش کی- انہوں نے صدر کے لیے  خیر سگالی اور سوڈان کے برادر عوام کی مزید ترقی و خوشحالی کے لیے نیک خواہشات کا اظہار کیا-

ولی عہد شہزادہ محمد بن سلمان نے بھی جنرل عبدالفتاح البرھان کو مبارکباد پیش کی-

دوسری جانب شاہ سلمان اور ولی عہد شہزادہ محمد بن سلمان نے کیوبا کے صدر کو یوم آزادی کی مبارکباد دیتے ہوئے خیر سگالی کا پیغام بھی دیا- انہوں نے صدر کی پائدار صحت و عافیت اور کیوبا کے دوست عوام کی مزید ترقی و خوشحالی کے حوالے سے نیک خواہشات کا اظہار کیا-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں