شہزادہ فیصل بن فرحان کی بلجیئم اور جرمنی کے وزرائے خارجہ سے ملاقات

سعودی وزیر خارجہ شہزادہ فیصل بن فرحان نے میونخ میں بلجیئم، آئیرلینڈ اور جرمنی کے وزرائے خارجہ سے ملاقاتیں کی ہیں۔

سعودی پریس ایجنسی کے مطابق ملاقاتوں کے دوران دو طرفہ تعلقات کے فروغ پر تبادلہ خیال کیا گیا ہے۔

شہزادہ فیصل بن فرحان نے بلجیئم کے وزیر خارجہ صوفی ویلمس سے ملاقات کے دوران  خطے کو درپیش مسائل پر بھی گفتگو کی ہے۔

اسی طرح کی ملاقات آیئرلینڈ کے وزیر خارجہ سیمون کووینی سے بھی ہوئی جس میں دونوں رہنماؤں نے باہمی دلچسپی کے مشترکہ امور پر تبادلہ خیال کیا ہے۔

علاوہ ازیں شہزادہ فیصل بن فرحان نے جرمنی کے وزیر خارجہ انالینا سے بھی ملاقات کے دوران سعودی عرب اور جرمنی کے تعلقات کو فروغ دینے پر بات چیت کی ہے۔