روپے کے مقابلے میں سعودی ریال، امریکی ڈالر، اماراتی درہم اور دیگر کرنسیوں کی قیمت

پاکستان میں کاروباری ہفتے کے پہلے روز روپے کے مقابلے میں امریکی ڈالر کی قدر میں اضافہ ریکارڈ کیا گیا ہے۔

سٹیٹ بینک آف پاکستان کے مطابق پیر کو انٹربینک مارکیٹ میں پاکستانی روپے کے مقابلے میں ڈالر کی قدر میں 36 پیسے کا اضافہ ہوا ہے۔

گذشتہ کاروباری ہفتے کے آخری روز پاکستانی روپے کے مقابلے میں ڈالر کی قیمت 177.11 پیسے تھی جو آج 36 پیسے کے اضافے کے بعد 177.47 روپے ہوگئی ہے۔

انٹربینک مارکیٹ میں دیگر کرنسیوں میں سے سعودی ریال کی قدر 47.30، اماراتی درہم 48.31، برطانوی پاؤنڈ 237.54، عمانی ریال 460.98، بحرینی دینار 470.70 اور کویتی دینار کا شرح تبادلہ 585.47 روپے رہا۔

پیر کو اوپن مارکیٹ میں امریکی ڈالر کی قیمت خرید 177.2 اور قیمت فروخت 178.8، سعودی ریال کی قیمت خرید 46.75 اور قیمت فروخت 47.4، اماراتی درہم کی قیمت خرید 48.2 اور قیمت فروخت 48.9 روپے رہی۔