جدید ٹیکنالوجی سے زیادہ سے زیادہ فائدہ اٹھایا جا رہا ہے( فوٹو ٹوئٹر حرمین شریفین)
سعودی عرب میں حرمین شریفین انتظامیہ کے سربراہ اعلی شیخ ڈاکٹرعبدالرحمن السدیس نے مسجد الحرام کے دروازوں پر تھرمل سینسر کا افتتاح کیا ہے۔
عاجل ویب سائٹ کے مطابق اس موقع پر سیکریٹری انتظامیہ برائے تجدیدی امور اور سیکریٹری برائے خدمات و فیلڈ امور محمد الجابری،حرمین انتظامیہ کے متعدد اعلی عہدیدار موجود تھے۔
ڈاکٹرعبدالرحمن السدیس نے اس موقع پر کہا کہ جدید ترین ٹیکنالوجی سے زیادہ سے زیادہ فائدہ اٹھایا جائے۔ حرمین شریفین اور زائرین کی سہولتوں میں ہر ممکن اضافہ کریں۔
اس سے زائرین کو مزید سہولت میسر ہوگی(فوٹو ٹوئٹر حرمین شریفین)
انہوں نے کہا کہ سعودی قائدین چاہتے ہیں کہ زائرین کو طواف، سعی، نماز اور مختلف عبادتوں میں ہر ممکن سہولت حاصل ہوسکے۔ وہ تمام کام سکون و اطمینان اور آرام و راحت سے انجام دیں۔
نئی سینسر مشین کی فراہمی اسی پالیسی کا حصہ ہے۔ اس سے زائرین کو مزید سہولت میسر ہوگی۔
