سعودی وزیر خارجہ شہزادہ فیصل بن فرحان سے عراقی ہم منصب ڈاکٹر فواد محمد حسین نے ٹیلیفون پر رابطہ قائم کیا ۔
سعودی خبررساں ایجنسی ’ایس پی اے‘ کے مطابق دونوں ملکوں کے وزرائے خارجہ نے سعودی عرب اور عراق کے تعلقات ، دونوں ملکوں اور ان کے برادر عوام کے مفادات کے حصول کےلیے باہمی تعلقات کو مضبوط بنانے کے طور طریقوں کا جائزہ لیا ۔
فریقین نے باہمی دلچسپی کے امور میں یکجہتی بڑھانے ، عالمی امن و سلامتی کے تحفظ اور خطے کے استحکام میں معاون امور کی بابت ربط و ضبط بڑھانے کے موضوع پر بات چیت کی۔ علاوہ ازیں علاقائی و بین الاقوامی مسائل پرنقطہ نظر کا تبادلہ کیا ۔
