معروف ریستوران سے زائد المیعاد گوشت برآمد

جدہ جدیدہ کی بلدیاتی کونسل کے انسپکٹرز نے شہر کے معروف ریستوران پر چھاپہ مار کر زائد المیعاد گوشت برآمد کرلیا۔ 

سبق ویب سائٹ کے مطابق میونسپلٹی کے ماتحت جدہ  الجدیدہ بلدیاتی کونسل کی چیئرپرسن عزۃ العسبلی نے کہا ہے کہ  الزھرا محلے کے ایک فاسٹ فوڈ ریستوران سے چوتھائی ٹن زائذ المیعاد گوشت برآمد ہوا ہےجوانسانی استعمال کے قابل نہیں تھا۔ 

العسبلی نے مزید کہا کہ ریستوران کی انتظامیہ صفائی نظام کی پابندی نہیں کررہی تھی۔ کھانے پینے کی اشیا جس جگہ ذخیرہ کی گئی تھیں وہاں صفائی غیرمعیاری تھی۔ 

بلدیاتی کونسل نے خلاف ورزی پر ریستوران کے خلاف قانونی کارروائی کرتے ہوئے خراب گوشت ضبط کرلیا اور اسے تلف کرادیا۔ 

بلدیاتی کونسل کے انسپکٹرز ان دنوں تجارتی اور غذائی اشیا کا کاروبار کرنے والے اداروں پر چھاپے مار رہے ہیں اور ان سے مقررہ قوانین و ضوابط کی پابندی کرانے میں لگے ہوئے ہیں۔