سعودی عرب میں 15 ہزار 568 غیر قانونی تارکین گرفتار
’260 افراد گرفتار ہوئے ہیں جو سرحد عبور کر کے ملک میں داخل ہونے کی کوشش کر رہے تھے‘ ( فوٹو: سبق)
سعودی عرب میں گزشتہ ہفتے 15 ہزار 568 غیر قانونی تارکین گرفتار ہوئے ہیں۔
سعودی پریس ایجنسی کے مطابق یہ گرفتاریاں یکم ستمبر سے 7 ستمبر 2022 کے درمیان ہوئی ہیں۔
غیر قانونی تارکین کے خلاف کام کرنے والی مشترکہ کمیٹی نے کہا ہے کہ ’کل گرفتار شدگان میں سے 9331 اقامہ قوانین کی خلاف ورزی کر رہے تھے‘۔
’4226 گرفتار شدگان سرحدی قوانین کی خلاف ورزی کے مرتکب تھے جبکہ 2011 تارکین لیبر قوانین کی خلاف ورزی میں ملوث تھے‘۔
’مذکورہ عرصے کے دوران 260 افراد گرفتار ہوئے ہیں جو سرحد عبور کر کے ملک میں غیر قانونی طور پر داخل ہونے کی کوشش کر رہے تھے‘۔
’ان میں سے 27 فیصد یمنی، 65 فیصد ایتھوپی جبکہ 8 فیصد دیگر ممالک کے تارکین تھے‘۔
’اسی طرح سرحد عبور کرکے غیر قانونی طور پر ملک سے باہر جانے کی کوشش کرتے ہوئے 38 افراد گرفتار ہوئے ہیں‘۔
کمیٹی نے کہا ہے کہ ’غیر قانونی تارکین کو سہولت فراہم کرنے پر 20 افراد گرفتار ہوئے ہیں‘۔
مسجد الحرام میں خطبات، دروس اور تلاوت کا خصوصی روبوٹNode ID: 699656
بحر احمر ایئر پورٹ پر لینڈنگ اور ٹیک آف کے تجربات کامیابNode ID: 699681
