’سونیا‘ اور ’ملکہ‘ نامی ہتھنیوں کی سالگرہ، گورنر سندھ مہمان خصوصی ہوں گے

صوبہ سندھ کے دارالحکومت کراچی میں واقع سفاری پارک میں ہتھنیوں کی سالگرہ کی تقریب میں گورنر سندھ کامران ٹیسوری کو مہمان خصوصی کے طور پر مدعو کیا گیا ہے۔

کراچی میٹروپولیٹن کارپوریشن کے مطابق سفاری پارک میں 15 دسمبر کو ’سونیا‘ اور ’ملکہ‘ نامی ہتھنیوں کی سالگرہ کی رنگا رنگ تقریب منعقد کی جا رہی ہے۔

ہتھنیوں کی سالگرہ کے موقع پر گورنر سندھ کامران ٹیسوری اور ایڈمنسٹریٹر کراچی کو بطور چیف گیسٹ مدعو کیا گیا ہے جبکہ ان کے علاوہ بقیہ سرکاری عہدیدران اور میڈیا کے نمائندگان بھی تقریب میں مدعو ہیں۔

سفاری پارک کے حکام کے مطابق سونیا اور ملکہ نامی ہتھنیوں کی سالگرہ منانے کا مقصد پہلی سے آٹھویں جماعت کے سکول جانے والے بچوں اور بچیوں کو مدعو کرنا ہے تاکہ وہ بھی جانوروں سے محبت کرنے کے جذبے ساتھ ملکہ اور سونیا کی سالگرہ منائیں اور کیک کاٹیں۔

سفاری پارک میں دونوں ہتھنیوں کی سالگرہ کی تقریب 15 دسمبر کو دوپہر 12 بجے ہو گی۔