ولی عہد کپ کے لیے گھڑ دوڑ مقابلے، لاکھوں ریال کے انعامات

  سعودی عرب میں کنگ عبدالعزیز جنادریہ میلے کے ریس کورس میں ولی عہد کپ کے لیے گھڑ دوڑ 17 دسمبر کو ہو گی۔ 

ایس پی اے اور عکاظ کے مطابق یہ پہلے زمرے کی گھڑ دوڑ کلب سیزن کے 72 ویں مقابلے ہوں گے۔ ولی عہد کپ درآمدی اور مقامی منتخب گھوڑوں کے درمیان مقابلے پر دیا جائے گا۔ ہر ایک کو دس لاکھ  ریال انعام دیے جائیں گے۔ 

گھڑ دوڑ کلب کے چیئرمین شہزادہ بندر بن خالد الفیصل نے کہا کہ ’شاہ سلمان بن عبدالعزیز اور ولی عہد گھڑ دوڑ کے مقابلے کی بھرپور سرپرستی کر رہے ہیں۔‘

شہزادہ بندر بن خالد نے کہا کہ ’ولی عہد شہزادہ محمد بن سلمان مقابلوں کی سرپرستی کر رہے ہیں۔ گھڑ دوڑ میں دلچسپی رکھنے والے اسے اپنے لیے اعزاز قرار رہے ہیں۔‘ 

یاد رہے کہ گھڑ دوڑ چیمپیئن شپ کا پہلا مقابلہ 1969 میں شاہ خالد بن عبدالعزیز کی سرپرستی میں منعقد ہوا تھا۔ اس وقت وہ مملکت کے ولی عہد ہوا کرتے تھے۔