مکہ: تعلیمی اداروں میں آج شام کی کلاسوں میں حاضری نہیں ہو گی

مکہ مکرمہ کے محکمہ تعلیم نے آج (جمعرات) کو سکولوں میں شام کی کلاسوں میں حاضری موقوف کرنے کا اعلان کیا ہے۔

جریدے ’عاجل‘ کے مطابق محکمہ تعلیم نے کہا ہے کہ موسمی حالات کی وجہ سے کلاسیں ’مدرستی‘ پلیٹ فارم پر ہوں گی۔

محکمہ تعلیم نے اپنے آفیشل ٹوئٹر اکاؤنٹ پر کہا ہے کہ ’موسمیات کے مرکز کی جانب سے جاری ہدایات کے پیش نظر اور طلبہ و طالبات کی سلامتی کے لیے مکہ میں شام کے تمام سکولوں میں حاضری روک دی گئی ہے۔‘

بیان میں مزید کہا گیا کہ ’آج تعلیم کا سلسلہ آن لائن پلیٹ فارم ’مدرستی‘ پر جاری رہے گا۔‘

واضح رہے کہ محکمہ موسمیات نے پیشگوئی کی ہے کہ آج جمعرات اور کل جمعہ کو جدہ سمیت مکہ مکرمہ ریجن کی دیگر کمشنریوں میں موسلادھار بارش ہوگی۔