تبوک میں دہرے قتل کا ملزم گرفتار

تبوک ریجن میں پولیس نے دہرے قتل کے الزام میں ایک شخص کو حراست میں لے لیا ہے۔ ملزم نے فائرنگ کرکے باپ اوربیٹے کوقتل کردیاتھا۔

اخبار24 کے مطابق تبوک ریجن کے علاقے ’مرکز بدا ‘ دوافراد کے مابین باہمی اختلاف پرملزم نے باپ اوربیٹے پرفائرنگ کی جس سے نوجوان موقع پرہی ہلاک ہوگیا۔

فائرنگ کے بعد ملزم وہاں سے فرارہوگیا۔ پولیس نے زخمی شخص کو تبوک ریجن کی کمشنری الوجہ کے ہسپتال پہنچا دیا جہاں وہ بھی زخموں کی تاب نہ لاتے ہوئے چل بسا۔

پولیس نے ملزم کوگرفتار کرکے اس پردہرے قتل کا الزام عائد کردیا۔ ملزم کے خلاف ابتدائی رپورٹ درج کرے اسے پراسیکیوشن کے ادارے کے حوالے کردیاجہاں دہرے قتل کے مقدمے کا چالان کرمنل کورٹ میں پیش کیاجائے گا۔