ریاض میں اقامہ اور روزگار قوانین کی خلاف ورزی، 168 غیر ملکی گرفتار 

سعودی عرب میں ریاض پولیس نے اقامہ اور روزگار قوانین کی خلاف ورزی کرنے پر 168 غیر ملکیوں کو گرفتار کیا ہے۔

سرکاری خبررساں ادارے ایس پی اے کے مطابق ریاض پولیس نے بیان میں کہا کہ ’اقامہ اور روزگار قوانین کی خلاف ورزی پر بنگلہ دیش کے 81، پاکستان کے  29، یمن کے 27، انڈیا کے 18،سوڈان کے 6، مصر کے 3، ایتھوپیا، سری لنکا اور یوگنڈا کے دو، دو شہریوں کو حراست میں لیا گیا ہے‘۔

ریاض پولیس نے کہا کہ’ گرفتاریاں جنوبی ریاض اور گاڑیوں کے سالانہ انسپیکشن کے مراکز کے اطراف عمل میں لائی گئی ہیں‘۔

بیان میں کہا گیا کہ ’گرفتار شدگان کو قانونی کارروائی کے بعد متعلقہ ادارے کے حوالے کردیا گیا ہے‘۔