حوثیوں کے ساتھ قیدیوں کا تبادلہ جمعرات سے: یمنی حکومت

یمن کی حکومت کا کہنا ہے کہ ’حوثیوں کے ساتھ قیدیوں کا تبادلہ جمعرات 14 اپریل سے شروع ہوگا۔‘

عرب نیوز کے مطابق حکومتی وفد کے ایک رکن ماجد فضل نے الحدث ٹی وی کے ساتھ ایک انٹرویو میں کہا ہے کہ ’قیدیوں کے تبادلے کا عمل تین مراحل میں تین دنوں کے اندر مکمل کیا جائے گا جس کے لیے یمن کے مختلف علاقوں سے پروازیں چلائی جائیں گی۔ ‘

انہوں نے کہا کہ ’پہلے مرحلے میں 72 قیدیوں کو رہا کیا جائے گا۔‘

ماجد فضل نے مزید بتایا کہ ’1400 سے زائد سویلین اب بھی حوثی ملیشیا کی جیلوں میں قید ہیں۔‘

یمنی حکومت کی جان  سے کہا گیا ہے قیدیوں کے تبادلے کا  سلسلہ اس وقت تک جاری رہے گا جب تک دونوں جانب سے تمام قیدیوں اور معویوں کو رہا نہیں کر دیا جاتا۔

واضح رہے 20 مارچ کو یمن کی حکومت نے حوثیوں کے ساتھ دونوں اطراف کے 887 قیدیوں اور مغویوں کو رہا کرنے کا معاہدہ کیا تھا۔ مذکورہ معاہدہ سوئٹزرلینڈ میں اقوام متحدہ اور ریڈ کراس کی نگرانی میں ہونے والے مشاورتی معاہدے کی بنیاد پر ہوا تھا۔