ٹی وی ریموٹ سے بھی پتلے کُتے نے ورلڈ ریکارڈ قائم کر دیا

امریکہ میں رہنے والے دو سالہ کتے نے دنیا کا سب سے چھوٹا کتا ہونے کا عالمی ریکارڈ اپنے نام کر لیا ہے۔

یکم ستمبر 2020 کو پیدا ہونے والے ’پَرل‘ نامی چیواوا نسل کی اس کتے کا قد 9 اعشاریہ 14 سینٹی میٹر اونچا ہے جبکہ اس کی لمبائی 12 اعشایہ سات سینٹی میٹر ہے۔

یہ کتا پوپسکل نامی آئس لولی سے چھوٹا، ٹی وی ریموٹ سے پتلا اور تقریبا ڈالر کے نوٹ جتنا لمبا ہے۔

پیر کے روز سماجی رابطوں کی ویب سائٹ ٹوئٹر پر پرل کے ورلڈ ریکارڈ کے بارے میں گنیز ورلڈ ریکارڈ نے تصدیق کی۔

گنیز ورلڈ ریکارڈ نے اپنی ٹویٹ میں لکھا کہ ’دنیا کا سب سے چھوٹے کتے پرل کو ہیلو کریں۔‘

گنیز ورلڈ ریکارڈ کے مطابق پرل مِریکل مِلی نامی کتے کی جڑواں بہن کا بیٹا ہے جس کے پاس اس سے پہلے دنیا کے سب سے چھوٹے کتے کا اعزاز تھا۔

مِریکل ملی 2011 میں پیدا ہونے والے چھوٹے قد کے چیواوا نسل کا کتا تھا جس کا وزن ایک پاؤنڈ اور قد تین اعشاریہ آٹھ انچ لمبا تھا۔ مِریکل ملی 2020 میں مر گیا تھا۔

پرل کو حالیہ دنوں میں اس کی مالکن وینیسا سیملر نے اطالوی ٹی وی شو پر متعارف کروایا۔ انہیں مس سیملر، ایسٹر کے انڈے جیسے بنی ہوئی سِیٹ میں لائی تھیں جس پر پرل کو خوب داد ملی تھی۔

کتے کی مالکن نے اس وقت یہ بات نوٹ کی تھی کہ بطور چیواوا پرل نرم مزاج ہے اور سٹیج کے سامنے بیٹھے عوام کی وجہ سے بالکل بھی سہما نہیں ہے۔

انہوں نے شو کے میزبان گیری سکاٹی کو بتایا کہ پرل ایک طرح کا ’ڈِیوا‘ ہے۔

انہوں نے یہ بھی بتایا کہ ’یہ اچھی کوالٹی کا کھانا کھاتا ہے جیسے چکن، سالمن مچھلی اور اسے خوب صورت کپڑے پہننا بے حد پسند ہے۔‘

پرل کے اورلانڈو میں واقع کرسٹل کریک اینیمل ہسپتال میں تین مرتبہ قد کی پیمائش کی گئی ہے۔

مس سیلمر نے گنیز ورلڈ ریکارڈ کے بارے میں بات کرتے ہوئے کہا کہ ’ہمیں خوشی ہے کہ پرل ہمارے پاس ہے اور اس نے ہمارا ہی ریکارڈ توڑا ہے اور یہ شاندار خبر ہم نے دنیا کے ساتھ شیئر کی ہے۔‘