شاہ محمود کی گرفتاری کالعدم قرار، اسلام آباد ہائیکورٹ کا رہا کرنے کا حکم
11 مئی کو اسلام آباد پولیس نے شاہ محمود قریشی کو گرفتار کیا تھا۔ (فوٹو: فائل)
اسلام آباد ہائیکورٹ نے پاکستان تحریک انصاف کے وائس چیئرمین شاہ محمود قریشی کو فوری رہا کرنے کا حکم دیا ہے۔
جمعرات کو جسٹس میاں گل حسن اورنگزیب نے شاہ محمود قریشی کی ایم پی او کے تحت گرفتاری کو کالعدم قرار دیا ہے۔
عدالت نے پی ٹی آئی رہنما شاہ محمود قریشی کو بیان حلفی جمع کرانے کی ہدایت دیتے ہوئے کہا کہ ’علی محمد خان نے کل جو انڈر ٹیکنگ دی تھی، وہ دیکھ لیں، اسی کی طرح دے دیں۔‘
جس پر وکیل نے جواب دیا کہ شاہ محمود قریشی سے ہدایات لے کر بیان حلفی جمع کرا دیں گے۔
11 مئی کو اسلام آباد پولیس نے شاہ محمود قریشی کو گرفتار کیا تھا۔
بدھ کو پاکستان تحریک انصاف کے رہنماؤں شیریں مزاری، علی زیدی، علی محمد خان اور ملیکہ بخاری کو پولیس نے دوبارہ گرفتار کر لیا تھا۔
دو سال قبل عمران خان سے دوستی ختم ہو گئی تھی، جہانگیر ترینNode ID: 765271
پولیس کا لاہور زمان پارک میں عمران خان کی رہائش گاہ کا ’محاصرہ‘Node ID: 765401
