سعودی عرب سے گیارواں امدادی طیارہ پورٹ سوڈان پہنچ گیا، بحری پل بھی قائم

سعودی عرب سے سوڈانی عوام کےلیے امدادی سامان لے جانے والا گیارواں طیارہ پورٹ سواڈن انٹرنیشنل ایئرپورٹ پہنچا ہے۔

سرکاری خبر رساں ایجنسی ایس پی اے کے مطابق  والے امدای طیارے پر 30 ٹن سے زیادہ خوراک اور طبی سامان موجود ہے۔

یہ امدد سوڈان میں جاری خانہ جنگی کے باعث متاثرہ شہریوں کی مدد کے لیے انسانی ہمدردی کے سعودی انیشیٹو کا حصہ ہے۔

علاوہ ازیں شاہ سلمان مرکز برائے امداد و انسانی  خدمات نے اس عزم کا اظہار کیا ہے کہ  امدادی سامان بھجوانے کی خاطر سوڈان کے لیے بحری پل قائم کیا جائے گا۔

 ایس پی اے کے مطابق شاہ سلمان مرکز کا کہنا ہے کہ ’جدہ اسلامی بندرگاہ سے پہلا جہاز پورٹ سوڈان کے لیے روانہ کیا گیا ہے جس پر کھانے پینے کا پچاس ٹن سامان لدا ہے‘۔ 

سعودی عرب اس بات کے لیے کوشاں ہے کہ سوڈانی عوام درپیش مسائل سے باہر آئیں اور بنیادی ضروریات کے حوالے سے ان کے مسائل ممکنہ حد تک کم ہوسکیں۔