سعودی ایئر لائن 20 ایئر بس اے 321 نیو طیارے خریدے گی
اے 320 نیو ایندھن کی کھپت میں 20 فیصد کمی کے ساتھ کام کرتے ہیں(فائل فوٹو: روئٹرز)
سعودی عرب کی قومی ایئر لائن السعودیہ اپنی بڑھتی ہوئی طلب کو پورا کرنے کے لیے 2026 تک ایندھن کی بچت والے 20 ایئر بس اے 321 نیو طیارے اپنے بیڑے میں شامل کرنے کا ارادہ رکھتی ہے۔
عرب نیوز کے مطابق یہ ہوائی جہاز روایتی دو درجے کی اندرونی ترتیب میں 180 سے 220 مسافروں کو لے کر جاتا ہے اور یہ اے 320 فیملی کا حصہ ہے جو دنیا کے سب سے زیادہ استعمال ہونے والے واحد آئل ایئر کرافٹ فیملی ہے۔
2016 میں عالمی خدمات میں داخل ہونے کے بعد اے 320 فیملی نے ایندھن سے چلنے والے نئے انجن، کیبن کی اختراعات اور ونگ ٹِپس کو شامل کر کے 20 ملین ٹن کاربن ڈائی آکسائیڈ کو بچایا ہے۔
السعودیہ کے سی ای او ابراہیم کوشی نے کہا کہ ’ہماری ترجیح بہترین مہمانوں کا ممکنہ تجربہ پیش کرنا اور دنیا کو سعودی عرب تک پہنچانا ہے۔ ہم اس وعدے کو پورا کرنے کے لیے دنیا کے اعلیٰ ترین مینوفیکچررز سے جدید ترین طیارے خریدتے رہیں گے‘۔
انہوں نے مزید کہا کہ ’ ہم ایئربس کو اپنے طیاروں کی کارکردگی کو مسلسل بہتر بنانے کی کوشش کو سراہتے ہیں جو السعودیہ کی خواہش کے مطابق ہے کہ مہمانوں کو بہترین تجربہ فراہم کرنے کے ساتھ ساتھ ہوا بازی کو مزید پائیدار بنانے میں اپنا کردار ادا کرے‘۔
اے 320 نیو ایندھن کی کھپت میں 20 فیصد کمی اور کاربن ڈائی آکسائیڈ کے اخراج میں 20 فیصد کمی کے علاوہ پرانے جنریشن کے ہوائی جہازوں کے ساتھ ساتھ شور فوٹ پرنٹ میں 50 فیصد کمی، ایئر فریم کی دیکھ بھال کے اخراجات میں 5 فیصد کمی اور آپریٹنگ اخراجات میں 14 فیصد کمی کے ساتھ کام کرتا ہے۔
السعودیہ اور ایئربس کے درمیان شراکت داری سعودی ایوی ایشن سٹریٹیجی کے مقاصد سے ہم آہنگ ہے جس کا مقصد صارفین کے اطمینان اور حفاظت کو بڑھانے کے علاوہ ماحولیاتی پائیداری کو فروغ دے کر مملکت کو اس شعبے میں مارکیٹ لیڈر کے طور پر قائم کرنا ہے۔
یہ حکمت عملی السعودیہ کی ترقی کے منصوبوں کی بھی حمایت کرتی ہے کیونکہ ایئر لائن 2030 تک 330 ملین سیاحوں کو مملکت میں خوش آمدید کہنے کی کوشش کر رہی ہے۔
ایئر لائن کا بیڑا جس میں بوئنگ اور ایئربس کے ماڈل شامل ہیں 2023 کی پہلی ششماہی میں مجموعی طور پر 140 ہوائی جہاز ہو چکے ہیں۔
مزید برآں السعودیہ کو اس کے بین الاقوامی نیٹ ورک کی تیزی سے توسیع کی وجہ سےسکائی ٹریکس کی 2023 کے لیے دنیا کی سرفہرست ایئر لائنز کی فہرست میں 23 ویں نمبر پر رکھا گیا۔
جولائی میں السعودیہ کی جاری کردہ کارکردگی رپورٹ کے مطابق 13.7 ملین سے زائد مہمانوں کو ملکی اور بین الاقوامی دونوں راستوں پر پہنچایا گیا جو کہ گزشتہ سال کی اسی مدت کے مقابلے میں 2023 کی پہلی ششماہی میں 24 فیصد اضافہ ریکارڈ کرتا ہے۔
السعودیہ کی جدہ سے برمنگھم کے لیے براہ راست پروازیںNode ID: 777276
فلائی ناس کی آمدنی میں 46 اور مسافروں میں 26 فیصد اضافہNode ID: 782001
