برمنگھم...مانچسٹر دھماکے کے بعد آئی سی سی چیمپئنز ٹرافی کیلئے برمنگھم میں موجود پاکستان کرکٹ ٹیم کی سیکیورٹی بڑھا دی گئی ۔آئی سی سی چیمپیئنز ٹرافی میں شرکت کے لئے پاکستانی کرکٹ ٹیم کا کیمپ ان دنوں برطانیہ کے شہر برمنگھم میں جاری ہے۔ ٹیم کے منیجر طلعت علی نے آئی سی سی سے ٹیم کی سیکیورٹی بہتر بنانے کا مطالبہ کیا تھا ۔انہوں نے کہا تھا کہ ہماری سیکیورٹی مزید بہتر کی جائے اور ٹیم کا ہوٹل تبدیل کیا جائے یا دوسری ٹیموں کے ہوٹل میں ٹھہرایا جائے۔ مانچسٹر میں دھماکے کے بعد آئندہ ماہ انگلینڈ میں شیڈول چیمپئنز ٹرافی اور ویمنز ورلڈ کپ کی سیکیورٹی پر بھی سوالیہ نشان لگ چکا ہے۔ آئی سی سی نے بھی سیکیورٹی انتظامات پر نظر ثانی کا اعلان کیا تھا۔
